2023ko azken irratsaioan Juan Ramon Madariaga izan dogu gonbidaua. “Bufalo guztiak” liburua eskuetan hartuta bisitatu gaitu. Erein argitaletxeak argitaratu dau Bilboko Udalak antolatzen dauan Blas de Otero Angela Figueroa literatur lehiaketako lan irabazlea. Juan Ramon Madariagak irabazi dau poema bilduma bategaz.
Juan Ramon Madariaga barikuro izaten da gurean Lau Haizetara irratsaioko kolaboratzaile, kultur albiste eta kultur agenda berezia eskainiz. Oraingoan, bere lana izan dau berbagai. Bere liburuko azalean erakusten dauan laino baten irudia be azaldu deusku, “oso zeru zalea naz” aitortuta.
Literatur jardunaren gaineko barriketaldia laguntzeko Islandiako Sigur Rós musika taldea aukeratu dau entzuteko. Eta hain justu 2023. urtean argitaratu barri dauan Átta diskoa aukeratu dau.
