Kabian proiektu barritzaile bat da, etxebizitzak modu jasangarrian, inklusiboan eta erosterrazak izan daitezan pentsatuta dagoana. Gaur egun etxebizitzen arazoari aurre egiteko modu bat da.
Kabian-ek egurra erabilten dau eraikin honeek egiteko. Egurra porlana baino jasangarriagoa da, eta gainera, sua hartzen gatxagoa. Gorka Rodriguez proiektuko kideak esango deuskunez, eraikinak bere osotasunean “prezio bardina dauko egurrezkoa ala porlanezkoa izan”, baina Kabian-en etxebizitzak eraikitzen 6 hilabete irauten dabe eta porlanezko etxebizitza bat eraikitzearen bataz-besteko denbora tartea bi urtekoa da.
