Barsanti konpainiaren Lanean Jarraitu 75 izeneko kale ikuskizun barria estreinauko da Leioako Umore Azokan. Jaialdi honen XXIV. edizinoa maiatzaren 16tik 19ra bitartean egingo da. Barsantik, hilaren 17 eta 18an eskeiniko dau LJ 75 (Lanean Jarraitu 75)/ST 75 (Seguir Trabajando 75). Euskerazko eta gaztelerazko bertsinoak eskeiniko dabez hain zuzen.
Umorea ardatz
Mama Crea da Barsanti konpainiaren lan barri honen ekoizlea. Esan behar, oraingo honetan be, gai sozialak aztertzen dabezala, beti be umoretik ulertuta eta ironia handiagaz. 75 urtean erretiroa hartzea da hain zuzen, gai nagusia kasu honetan. Pako Revueltas da zuzendaria eta aktore lanetan be badabil, Aritza Rodriguez, Asier Fragas eta Juanjo Oterogaz batera. Barsantik, Leioako estreinaldiaren ostean, herri askotan eskeiniko dau kale ikuskizun barria. Garagarrilean bakarrik, Zaldibarren, Sopelan, Arrasaten, Erandion, Berrizen, Lasarten, Arrigorriagan, Zornotzan eta Durangon eskeiniko dabe.
