Txomin Juaristi Euskaltel Euskadiko txirrindularia zorioneko dago. Urte birako luzatu dau kontratua. Horrek nasaitasuna emon deutsala esan deusku Jokoan saioan. Juaristik 27 urte daukaz. Markinarra da. Profesionaletan bere taldea Euskaltel Euskadi izan da eta izango da. Beste urte bian behinik behin.
Denporaldi oso ona egin dau Juaristik. Batez be, Portugaleko Itzuliaren ostean. Portugalen hamargarren amaitu eban Itzuliko sailkapen nagusian. Etapa bi irabazteko aukerea be euki eban. Horrek konfiantzea emon eutsan, eta harrezkero emaitza oso onak lortu ditu.
Joan dan denporaldia arin samar amaitu eban Juaristik. Orain, hasita dago entrenetan. Aste bi daroa lanean. Datorren denporaldirako helburua hobetzen jarraitzea da. Taldea be ondo ikusten dau. Gauza politak egiteko gai ikusten dau taldea.
