Bilboko Udalak indarkeria matxistearen aurkako ekitaldia Azkuna Zentroan egin dau gaur goizean. 2003tik 123 emakume eta 12 ume hil dabez. Aurten, urtea hasi danetik, bost emakume hil dabez. Datuak gogoratu eta ikuspegi zabal bat eskatu dabe EH Bildutik. “Aurten arreta, indarkeria digitalean jarrita daukagu” esan deusku Maria del Riok, Bilboko EH Bilduko bozeroaleak.
Aurrekontuak
Del Rioren eretxian, Bilboko Udal Gobernuak datorren urterako aurkeztutako aurrekontu proiektuak ez dauka ez anbizinorik ez ibilbide orririk be. “Ez dago negoziazinorik. Udal gobernuak helburu bakarra aitatu dau, zerbitzu publikoak mantentzea, anbizino faltea nabaritzen dogu” esan dau EH Bilduko zinegotziak. EH Bilduk aurkeztutako emendakin partzialek, besteak beste, etxebizitza politikeari, zaintzearen ereduari, merkataritzeari eta ingurumenari begiratzen deutsiela esan deusku Maria del Riok.
