Muxikako Udalak eta Aranzadik hitzarmena sinatu dabe, frankismo garaian herritarrek jasandako errepresinoaren ganeko ikerketea egiteko. Muxikako Udala jarri zan Aranzadigaz harremanetan, herrian bazirelako batzuk euren kabuz memoria historikoa lantzen ebilzanak eta betidanik egin gura izan dabelako ikerketea. Begoña Enbeita alkateak azaldu deuskunez, biktimak identifikatu nahi dabez.
Metodologia zientifikoa
Muxikeko herritarren testigantzak batzea da asmoa. Horretarako, egitasmoaren aurkezpena egin da eta gaurtik, Oroimen Bulegoa egongo da zabalik. Maria Laespada, Aranzadiko historialariak aipatu dauanez, testigantzak batzeaz gain, artxiboetara joko dabe eta hemeroteketara be bai. Oroimen Bulegoa gaur bertan dago zabalik Zubieta Errotako kultur–etxean. Martiko eguen guztietan be zabalduko dabe goiz eta arratsaldez. Bertan, testigantzak batzeaz gain, informazinoa be emongo dabe. Bi-hiru urteko ikerketea egingo dau Aranzadik. Asmoa ostean, liburu bat argitaratzea da.
