2023/2024 denboraldiko First Lego League (FLL) txapelketearen Espainiako finala jokatu zan martiaren 16an Alakanteko Unibertsidadeko Zuzenbide fakultadean. First Lego League nazinoarteko hezkuntza programa bat da, gazteen artean bokazino zientifiko-teknologikoa sustatzeko asmoz sortutakoa. Alakanteko finalean estaduko 700 gaztek baino gehiagok parte hartu eben, tartean, Bilboko Elizbarrutiko ikastetxe batzuetako gazteak.
Lau Haizetara irratsaioan Oier Olabe Markina-Xemeingo Berakruz Ikastolako gazteagaz egin dogu berba. Sari barik itzuli diran arren, oso harro dagoz egindako lanagaz. Astegoienean txapelketan bizi izandako esperientziaz eta aurkeztutako proiektuaz egin deusku berba Olabek.
