Lehen sektorean erreleboagaz dagoan arazoari aurre egin gurean, Urkiola Landa Garapen Elkarteak Aztegi proiektua jarri dau martxan. Ortugintza ekologikoa sustatzeko egitasmoa da hau eta aintzindaria da Euskadin. Helburua nekazari gazteak produkzino ekologikora gerturatzea da eta horri buruz berba egin dau Juan Mari Totorika Urkiola Landa Garapeneko buruak.
Pertsona biri lagunduko deutse ortuariak ekoizten, eta merkaturatzen. Hiru urtez Berrizko partzela baten dagoan haztegia erabili ahalko dabe. Asmoa da esperientzia horrek euren negozioa sortzeko zirrikitua edegitea.
Izena emoteko aukerea dago datorren barikurarte, gaur zortzirarte. Eta informazinoa Urkiola Landa Garapen alkartean jaso daiteke.
