San Anton eguna ospatuko da barikuan Urkiolan. San Antonio Abad eguna ospatzen dau Eliza Katolikoak urtarrilaren 17an. Jatorrian, baserritarren zaindari eta animalien babeslea. Urkiolan, bagilaren 13an be ospatzen da San Antonio eguna. Neguko eta udabarriko jaiak dira. Felix Moreno Urkiolako abadetxeko jagoleak behintzat holan azaldu deusku.
Bedeinkapenak
San Antonio Abad egunean ohiturea da animaliak eta etxeko abereak bedeinkatzea. Urteetan aldatuz joan dan arren oraindino mantendu egiten da. Lagun asko joaten da Urkiolara San Anton egunez, etxeko abereakaz. Bariku eguerdiko hamabietan izango da meza nagusia eta amaieran elizaren sarreran egiten da bedeinkapena. Ogia be bedeinkatzen da. Ohitura hau be askok jarraitzen dabe. Trikitilariak izango dira barikuan Urkiolan giroa alaitzen. Domekan, errepetizinoa egingo da.
