Tryggvi Hlinason (Akureyri, 2.16, 25 urte) nazioarteko pibot islandiarra beltzez margotzen hasi zan. Jokalariak Casademont Zaragozako taldean igaro dauz azken lau kanpainak, eta 22/23 izan da onena atal guztietan. Emaitza: 7.4 puntu, 5 errebote eta 1.7 tapoi topaketa bakoitzeko 11.8 balorazio-kreditutarako. Bere tapoi kopurua lehiaketako bigarren onena da, Walter Tavaresek bakarrik gaindituta. Gainera, Hlinason da sailkapenaren liderra, biko jaurtiketen ehunekoan, % 78ko asmaketarekin, ekintzak matean amaitzeko daukan gaitasunari esker. Sailkapen horretan be onena da, 1.6 partida bakoitzeko. Barrualdeak bi denboraldirako sinatzen dau.
Jokalaria bere herrialdeko selekziorako zutabe bat da, eta batez beste 13.2 puntu, 8.7 errebote eta 19.8ko balorazioa lortu dauz munduko txapelketarako sailkatzeko partiduetan. 2022ko otsailean, jokalariak jardun historikoa egin eban Italiaren aurka 34 puntu, 21 errebote eta 5 tapoi lortuz.
Gainera, Bilbao Basketen hiru jokalarik ez dabe segiduko hurrengo denporaldian: Emir Sulejmanovic, Jeff Withey eta Ignacio Rosa. Espero ziran mugimenduak izan dira.
