Basauriko Udalak Garbiguneko haur-parkea modernizau eta handitzeko lanak amaitu dauz, eta datozan egunetan San Fausto plaza barriro edegitea aurreikusten dau, Udalak jakinarazi dauenez.
“Basauriko txikienen gozamenerako erabat barritutako hiru parkerekin hasiko dogu ikasturte barria”, azaldu dau Asier Iragorri Basauriko alkateak, Mojaparte plazako haurrentzako jolasgunea barritzeaz be ari dala.
Zuriñe Goikoetxea Basauriko Udaleko Urigintza zinegotziagaz batera, Basauriko alkatea Garbiguneko parke barrian izan da eguen honetan, 127.950 euro inbertituta.
Barritu ondoren, inguruneagaz bat datozan joko barriak dauzka, egitura % 100 birziklatuta konposaduz eta mantentze-gimnastika egiteko elementuz osatuta baitago. Aparatu horreetako bakotxak erabilera-jarraibideak dauzka, eta horreek be bideo formatuan deskarga daitekez QR kode bidez, baita mobikorra uzteko euskarri bat be.
Aurreikuspenen arabera, datozan egunetan San Fausto plazako jolasgune barria be edegiko da. Jolaserako elementuez gaine, eremu horretan kirol anitzeko pista bat be badago, zubiaren azpian dagozan saskiak ordezteko. “Basauriko erdialdean ez dago ikastetxerik, ezta antzeko pistarik be; beraz, asko erabiltea espero dogu”, adierazo dau Iragorrik, eta azpiegitura barri horretan 46.670 euroko inbertsinoa egin dala ganeratu dau. Urigintza arloko arduradun nagusiak gogorarazi dau garagarrilean Mojaparte plazako haurrentzako jolasgunea be erabat barritu zala, eta Basauriko Udalak 50.626 euro inbertitu zituela.
Zuriñe Goikoetxeak azpimarratu dauenez, legegintzaldi honetan gobernu taldeak orain arte bezala jarraituko dau, “udalerriko aisialdirako eta aisialdirako guneak zabalduz eta hobetuz, parke, kirol-kantxa eta eskola-jolastoki gehiago estariz”.
“Berehalako esku-hartzeetako bat Basozelaiko haur-parkea eta gimnastika-aparauen gunea estaltzea izango da. Basauriko familiak eta herritarrak, oro har, babestutako eremu gehiago izetea da gure helburua, euria egiten dauenean aisialdiaz gozau al izeteko “, ganeratu dau.
