Adineko persona bat Basurtoko ospitalera eroan dabe Bilbobuseko unidade baten azpian harrapauta geratu eta erreskatau ostean, inguruan egozan dozenaka oinezkoren laguntzari esker.
Udaleko iturriak jakinarazi dauanez, ezbeharra atzo 14: 00ak aldera gertatu zan Areatzan, Bilbobuseko autobus batek adineko persona bat harrapau dauenean. Biktimea unidadean harrapauta geratu zan eta inguruan egozan dozenaka oinezkoek unidadea bultzatu dabe askatu al izeteko.
Azkenik, anbulantzia batek Basurtoko ospitalera eroan dau biktima, baina, iturri bardinen arabera, ez dago larri. Udaltzaingoak ikerketa abiau dau gertakariaren nondik norakoak argitzeko.
