Getxo Itsas Fest jaialdiaren bigarren edizinoa zapatu honetan, irailak 9, ospatuko da Kirol Portuan, bertaratutakoei itsasoagaz lotutako esperientzia eta erakustaldi parebakoak eskintzeko helburuagaz.
Antolatzaileen arabera, paddle surf, hitzaldiak, gastronomia, erropa eta musika bezalako jarduerez gozeteko aukera izango da, portuan bertan dagoan ‘Getxo Itsas Hub’ osatzen daben erakundeen eskutik.
Ekitaldiak doako jarduera parte-hartzaileak izango dauz, halan nola paddle surfa, paseoak itsasontzietan, jateak, belaontziak eta txalupa elektrikoak, ontzien erakusketa, dastatze gastronomikoak bertako ardao eta produktuekin, 3Dko inprimaketa eta serigrafia tailer dinamikoak, nabegazinoari buruzko hitzaldiak, erropa, produktu teknikoak eta zerbitzuak, baita filmak, musika eta fiesta giro bikaina be.
Ekimenak Getxoko Udalaren laguntza ekonomikoa dauka, eta itsasoak eskintzen dauzan aukera guztien barri emon nahi deutse herritarrei, turismoaren, ingeniaritzaren, teknologiaren eta I+G, merkataritzaren, ostalaritzaren, kulturearen eta kirolen arloetan lan egiten daben tokiko eragileen begiradaren bidez.
Hori dala eta, jarduera guztiak doakoak izango dira aforoak bete arte eta izen-emoteak itsasfest.eus webgune ofizialaren bidez egingo dira.
