Athleticek (17 puntu) Ruben Barajaren Valentzia CF (14 puntu) hartuko dau domeka honetan San Mamesen EA Sports Ligako 11. jardunaldiaren baitan. Zurigorriek seigarren postuari eutsi gura deutse eta 20 puntu lortu gura dabez. Valentziarrek, barriz, gora egiten jarraitu gura dabe. Partidua Figueroa Vazquezek zuzenduko dau Prieto Iglesiasekin VARean egonda. Valentziak Bilbo bisitatuko dau etxean Cadizi irabazi ondoren, eta Europako postuetan sartzeko hiru puntura. Joan dan ikasturtean bigarren mailara jaisteko zorian egon ziran azken egunera arte, baina denboraldi barri honetan hobeto hasi dira.
Sergi Canosek azkenean Bilbora bidaiatuko dau, aurreko astean Cadizen aurkako partidarako zerrendatik kanpo geratu ostean. Bidaiatuko ez dabenak Alberto Marí, Diakhaby, André Almeida, Jesús Vázquez eta Cenk dira. Ernesto Valverdek 23 jokalari deitu dauz deialdirako, eta ez dagoz Herrera, Yeray eta Yuri. Vesga deialdira bueltau da eta Egiluz gaztea be San Mamesen izango da.
“Domekero puntuengaitik borrokatu behar dogu”
Ernesto Valverde baikor agertu da denboraldi hasieragaz: “Erabagi handiagoa hartzen ari gara gure amaierarako orduan, baita une jakin batzuetan be, guretzat egokiak diran egoeretan zentrauta. Aurrera goaz. Domekero, puntuengaitik borrokatu behar dogu”. Aurkariari jagokonez, talde zuri-gorriaren antza dau: “Gure antza handia dauan aurkari baten aurkako neurketa da. Igaz esperientzia gatxa izan eben, baina ikasitako lezinoarekin datoz. Partiduak ondo konpontzen dituan taldea da, gogo bizia daukona”. Partiduaren xehetasun guztiak domeka honetan arratsaldeko 18:00etatik aurrera Bizkaia Irratian.
DEIALDIA
Unai Simón, Agirrezabala, Vivian, Paredes, Vesga, Berenguer, O. Sancet, I. Williams, Muniain, N. Williams, Guruzeta, Dani García, I. Lekue, Ruiz de Galarreta, De Marcos, Imanol, Villalibre, Raúl García, Nolaskoain, Prados, Egiluz, Adu Ares y Unai G.
