Bizkaitarrek amaierara arte sinetsi eta hasierako markagailu kaskarra eta Segoviako taldearen bardinketea agonikoa irauli eben.
Gimnastica Segoviana La Albuerako berdegunetik kanpo atera zan hurrengo fasean bere publikoaren aurrean sartzeko ametsaren bila. Hain izan zan handia Segoviako taldearen hasierea, non 12. minutuan markagailuan aurreratu ziran Juan Silvaren gol bati esker. Sestao Riverrek, ordea, erreakzioneten jakin eban lehen denpora amaitu baino lehen, eta norgehiagoka bardindu eban Leandro Martinezen bitartez 38. minutuan.
Atsedenaldian hobeto jarri ziran bizkaitarrak, eta Jon Cabo (53 ‘) eta Alvaro Gete (73′) izan ziran golegileak. Bi tantuak, harlosa gaindituezinekoa suposatu beharrean, erreakzionarazi egin ebazan segoviarrak. Gimnastica Segovianak amets egiteko aukerea emetzen eutson tantua bilatu eban, baina ez eban aurkitu gehitutako denporara arte, Hugo Diazek 93an etxekoei hegalak emon eta La Albuerako Munizipala galdara bihurtu eban. Gimnasticaren harrotasuna hain handia izan zan, 97. minutuan Abel Pascualek Ruben Yuberoren asistentzia ona egin eban partidua bardindu eta luzapenera bidaltzeko.
Berde-baltzak hobeto urten ziran aparteko denporaren lehen zatian, eta Jon Caboren bitartez aurreratu ziran barriro, Aitor Aranzaberen baloiaz baliauta. Markagailua ez zan aldatuko eta Sestao Riverrek Kopako bigarren kanporaketarako txartela lortu eban.
Horrela, talde bizkaitarra KO txapelketako hurrengo kanporaketarako sailkatuta dagozan 54 taldeei gehitu jake. Atzenetak eta Zaragozak datorren martitzenean, zemendiak 14, 20:00etan Municipal El Regiten jokatuko daben kanporaketea baino ez da falta. Bigarren kanporaketaren zozketa zemendiaren 15ean, eguaztena, egingo da, 13:00etan, Las Rozaseko Luis Aragones aretoan.
