Bizkaia Irratia Bizkaia osoa ezagutzen dabil apurka apurka, eguaztenero herriren batetik zuzenenean saioa eginda. Herriz herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola, herriko pertsona ospetsuak… Ezagutu Bizkaiko herri ezbardinak Herriz herri saioekin.
2024. urteko lehenengo Herriz Herri saioa Errigoitin egin dogu. Frank Zubiaga, Bakarne Otazua, Joseba Uribarri, Xabier Arriaga ‘Txiplas’, Aintzane Aranguena, Javier Corcobado eta Juan Jose Zelaia errigoitiarrek Busturialdeko herri txiki hau hobeto ezagutzen lagundu deuskue.
