Urdaibai inguran dagoan mikroklimea aproposa da kiwiaren ekoizpenerako. Arratzun bost-sei baserritan ekoizten dabe kiwia eta orain, kiwia batzeko sasoia da. Asier Madariagak 8 hektarea daukoz, gehienak produkzinorako eta iaz, 110 tona kiwi ekoiztu ebazan. “Aurton produkzino handiagoa itxaroten dogu” esan deusku Kiwilur-eko buruak. Euren kiwiak Euskal Herriko saltoki handietan salgai dagozala gaineratu dau.
Kiwi mota ezbardinak dagoz, horia, orlegia eta gorria. Euskal Herrian gehien gustetan dana, orlegia – berdea dala esan deusku Madariagak. Uzta sasoian buru belarri dabilz eta goizeko 08:00etatik arratsaldeko 18:00ak arte eguna kiwiak batzen pasetan dabela azaldu deusku.
Kiwiak ez dau bero handirik behar, hezotasuna eta ura behar dauz. Madariagaren Kiwilur enpreseak ekoizten dauen guztia berton saltzen dau.
