Bilboko aterpetxeetan bart kalean bizi diran 114 lagunek igaro dabe gaua. Tenperatura hotzen ondorioz, Udalak kalean lo egiten daben pertsonei laguntzeko preminazko neurriak hartzea erabagi dau. Aterpeetan sartzeko baldintzak malgutu egin dabez. Iñigo Zubizarreta Bilboko udaleko gizarte ekintzarako zinegotzi ondokoa berbaz euki dogu gaur Goizeko Izarretan.
Orain bi urtetik hona bikoxtu dira plazak aterpeetan. 374 dagoz gaur egun. Kalean zaurgarritasun egoeran 250 pertsona dagoz gaur egun Bilbon eta egunokaz zaurgarritasun egoeran dagozan pertsonak detektetako alkarlana areagotu egin dabe Udaltzaingoagaz eta Ertzaintzagaz alkarlanean. Bart 114 pertsona izan dira Udaleko aterpetxeetan.
