Familia Laguna programa Gipuzkoan sortu zan orain dala hamar urte. Herrialde desbardinetatik Euskal Herrira etorritako familiak, adin bereko seme-alabak daukiezan familia euskaldunakaz harremanetan jartzea da Familia Laguna programak egiten dauana. Gaur egun Gipuzkoako 18 ikastetxetan egiten dabe lan. Irungo Dunboa ikastetxea izan da azkena egitasmoagaz bat egiten.
Bizkaian, Arangoitin
Bilboko Arangoiti ikastetxean eta Gasteizeko Adurtza ikastetxe publikoan jarriko da programea abian. Arangoitin, Aldaika Heziketa alkartearen eta Adsis fundazinoaren bitartez dabiz lanean. Aldaika alkartetik Itziar Irazabalek esan deusku ekimenak erantzun oso ona izan dauala. Etorkizunean, ikastetxe gehiagotara hedatzea aurreikusten dabe. Familia Laguna programeak Udalen eta Eusko Jaurlaritzaren laguntzea jaso dau.
