Herriko auzo alkartean, GKEn, astialdi taldean, elikagaien bankuan, sindikatuan… talde ugaritan parte hartzeko aukerea egon da beti. Komunidadean parte hartzeko moduak aldatu dirala azaldu deusku Igor Ahedok, EHUko irakasleak. “Pandemiaren ondorioz geratu dan gizarteak parte hartze motak baldintzatzen dauz orain. Gizarte indibidualistago eta likidoago batetan gagoz, lehen gizartea gogorragoa zan eta orain laguntasuna edo anaitasuna galdu dira” esan dau Ahedok.
Parte-Hartuz ikerketa taldeko burua be bada Ahedo eta goitik-beherako eta behetik-gorako parte hartzeak dagozala aitatu dau. “Demokrazia berbea hauteskundeetako parte hartzeagaz baino ez da lotzen baina hortik harago doa. Demokraziak mobilizazinoa, komunikabide libreak eta gobernantza estrukturak behar dauz” azaldu dau Igor Ahedok.
