Giza eboluzinoari buruzko liburua kaleratu dau Juan Ignacio Pérez Iglesiasek. Al este del Edén izenburuagaz EHUko Fisiologian katedradunak giza eboluzinoagaz lotutako hainbat txatal azaltzen dauz.
Ugalketa ebolutiboa
Gure fisiologian aldaketa handiak gertatu dirala dino Pérez Iglesias. “Tenperatura konstante bat mantentzeko ulea galtzen hasi ginan, izerdia bota eta gorputza freskatu ahal izateko” azaldu deusku EHUko adituak. Ugalketari jagokonean taldeka eta modu promiskuan bizitzetik monogamo izatera pasau gara Perez Iglesiasen berbetan. “Ez gara monogama perfetuak baina poligamia promiskuotik monogamiarantz goaz. Umeen zaintza partekatua be lortu dogu eta horri esker beste primateek baino kume (seme-alaba) gehiago euki ahal izan doguz” azaldu dau katedradunak.
Berotze globala
2023a izan da inoiz neurtu dan urterik beroena, ia 1,5 gradu beroagoa. Bagiletik abendurarte, hilabete guztiek gainditu dabez, hilabete horreetako tenperatura markak. Berotegi gasen konzentrazinoa inozko handiena da. Juan Ignacio Perez Iglesiasi gizakiak bere eboluzinoan berotze globalik jaso dauen itaunduta, horri erantzuna emotea gatxa dala esan deusku. Iraganeko tenperaturak zeintzuk izan ziran ez dakigulako.
