Loditasunaren munduko eguna izan zan martiaren laugarrena. Lau Haizetara irratsaioan hamabostean behin, nutrizinoaz arituko gara Durangoko On Ekin zentruko nutrizionistakaz eta asteon, loditasunaz egin dogu berba Nahia Zeziagagaz batera. Loditasuna zer kontsideratzen dan, gorputz masaren indizea, loditasuna eta obesidadearen arteko aldea… Alde askotatik jorratu dogu gaia Zeziagagaz batera.
Pisua zelan neurtu
Daukaguzan kiloak neurtzeko orduan, jakin egin behar da kilo horreetatik zenbat diran gantzak, zenbat giharrak eta zenbat likido daukaguzan. Beraz, zenbat kilo daukagun kontuan hartu beharrean kilo horreek nondik datozen ikusi behar da.
