Juanjo Elezkano parroko eta musikari bermeotarrak Nor zaitut? bideoklip solidarioa sortu dau, Itsas Salbamendu Humanitarioa (SMH) gobernuz kanpoko erakundearen alde dirua lortzeko. Abestiak Europan bizitza hobea bilatzen daben persona horreen borroka, sufrimendua eta itxaropena isladatzea dauka helburu.
Elezkanok hiru helburu argi eukazan abestia konposau ebanean. Batetik, migratzaileek itsasoan daukiezan zailtasunak salatzea. Bestetik, gizartea sensibilizatzea migratzaileei eta errefuxiatuei laguntzeko. Eta azkenik, jentea motibatzea Itsas Salbamendu Humanitarioaren lanaren alde dohantza-kanpainan parte hartzera.
Kanpaina honen bitartez lortzen dan diruagaz, Aita Mari erreskate ontziaren gastuak finantziatzen lagunduko da. Eta SMH erakundeak bizitzak salbetan, osasun-laguntza eta laguntza humanitarioa emoten eta giza eskubideak defendiduten segiduen dauala zigurtatzen da.
Dohantzen kanpaina honi buruzko informazino gehiago gura dauanak edota bideoklipa ikusi, migranodearena.org webgunean konsultau leike.
