Leioako Sakoneta Klubak Espainiako Txapelketetan parte hartuko dau barikuan eta zapatuan. Covid aldiaren osteko lehena da. Hau da, barriro, egun biko lehiaketea izango da. Leioaztarrek talde bi eroango ditue. Bata, lehen mailakoa eta bestea, seniorra.
Lehen mailako taldean Eneko Lambea, June Orza, Henar Carrion, Maialen Rodriguez eta Araia Salazar dira kideak. Indar handiko taldea dala esan deusku Araia Salazarrek. Eneko Lambea dabe erreferentzia. Izan be, Espainiako txapeldun geratu da azken urteotan.
Salazarren esanetan, helburua lehen maileari eustea da. Aurten, 18 talde dagoz, eta 6 jatsiko dira. Maila handiko txapelketea dala nabarmendu dau Salazarrek. Baina itxaropentsu dago. Bildurren zirkua deitzen deutsien ariketea daroe. Ondo pasau eta lehen maileari eutsi, horixe lortu nahi dabe.
