Hainbat eskaut gazte-talde igaroko dira Urkiolatik garagarrilean, hainbat jardueratan parte hartzeko. Garagarrileko lehen aste honetan, Santurtziko Urbegi Bizia eta Portugaleteko Andra Mari eskaut taldeak dagoz konponketen zereginetan. Taldearen helburu nagusia Urkiolako kurutzeetako bidea garbitzea da. Horretarako, bidearen alboetatik traba egiten dauen guztia kentzen dabilz, euria egiten dauenean ura pasa daiten. Lana amaitutakoan, enpresa bat arduratuko da lana bukatzeaz. Gazteek autortzen dabe lan erraza dala eta lana oso ondo geratzen ari dala.
Goiz osoan zehar, gazteek hiru orduz lan-jarduera desbardinak egiten dabez, baina lanaz gan, aisialdirako eta ondo pasetako denpora be badago. Arratsaldea libre dabe, gura dabena egin daien. Taldeko gazteen artean Aitziber Egaña dago, 17 urtekoa. Gaur Goizeko Izarretan izan dogu gugaz eta lanari buruz berba egin dau. Gainera lasaitasunaz eta paisaiez zelan gozetan dabilzan kontatu deusku Aitziberrek.
