Sute bat itzali dabe gaur goizean Petronorrek Muskizen daukan lantegian, kalte pertsonalik eragin gabe, eta enpresaren baliabide propioek kontrolatu dabe, konpainiako eta Segurtasun Saileko iturriek baieztatu dabenez.
Gertakariak gaur goizeko seiak aldera izan dira, Findegi-1 eremuan sua piztu danean. Hori dala eta, enpresak segurtasun-protokoloak aktibatu dauz.
Findegiko iturriek adierazi dabenez, sutea baliabide propioekin kontrolatu dabe eta ez da inolako kalte pertsonalik izan. Konpainiak gaineratu dauanez, une honetan gertatutakoa ikertzen ari dira, jatorria zein dan jakiteko.
