Pandemia garaian beste egitasmo asko sortu dan lez, nacederos.eus webgunearen hasierea be hortxe kokatu behar dogu. Baina, webgune bat baino askoz gehiago da. Hori adierazi deusku Iñigo Ayok, egitasmoaren sustatzaileetako batek. Euskal Herriko ibai nagusien iturburuak ardatz daukazan egitasmoa da. Ibaiek ingurumenean eta gizartearen garapenean daukien garrantzia azaldu eta ezagutzera emon gura dabe. Horretarako, webgunean, ikus-entzunezkoak, podcastak, albisteak… sareratuko dabez. Nacederos.eus kontzientzia hartzeko erraminta izatea gurako leukie.
Asmoa, apirilean hasi eta astero ikus-entzunezko bat plazaratzea da. Momentuz, Nerbioi ibaiaren inguruan 10 minutuko 15 kapitulu ekoiztu dabez.
